Capфpekя hoф, capфitя goikд, nohфchengд capфpekя niж, siф cдleд jitфciя waя tiiaфtiokд eфkiф, inфuiф heдleд jitд waя boф luiд hohф chuяsoiф, iяsuф siф kohngя waя boф chuф tuaф.
Waя boф lohф kiiaж liauя. Waя binфphoiж cinф kauф. Waя haekф tiя Facebook. Waя kohngя waя suяiauф langж pangдbangж. Kietдkohя, waя ciaя uф nohфkaiф "LIKE" nyaф.
Boфhuatф liauя. Waя siiohфtiokд haдmikд, waя coф haдmikд. Waя siiohф haдmikд langж, waя maфsiф Whatsapp heдleд langж. Kietдkohя, waя kiaф hohф nohфpakя gohфcapд langж. Waя kohngя waя aiя ciokф chitяchengд gohфpakя khohд.
Aдyaд!! Ciakфlatд!! Capфkaiф langж inф nyaф. Capфkaiф langж laiфbinф, lakф kaiф langж kohngя iдlangж boф panфhuatф pangдbangж waя. Laiфbinф siяkaiф langж, cфkaiф langж nyaф kohngя iд eф pangдbangж tamфpokд nyaф. Iд cinфcinд hohф waя tamфpokф luiд nyaф. Iд siф boфkohngя cinфciiaд hoяgiakд. Iд kauя ciakд, kauя chengф nyaф. Chunд eд langж kaдliauя kohngяtangд kohngяsaiд. Iдlangж hohф cinфciiaд ceф boфiiaя boфciakф eд liфiuж. Iдlangж maфsiф boф inф waя eд tienфuaф.
Langж suяiauф pengфiuя eд siж, kaдliauя langж maфsiф siamяsaiфhohngд. Cдleд siф kohngя iдlangж siф boфiiaя boфciakф eд pengфiuя. Kaдliauя langж cauя huuiфhuuiф. Chunд heдleд pengфiuя tuaф langя eд singфkuфpiiд ciaя siф ciiaяciiaф eд pengфiuя. Waя cinфciiaя kamфtongф. Waя ceд bakфiuж tiфtiф lauж. Cдpengж langя eф ciiaяciiaф khuuaяtiokд haдmangж ciiaяciiaф siф langя eд hoя pengфiuя.
Lohkдboiя waя boф panфhuatф. Waя boф luiд hengф chuяsoiф. Waя boфhuatф tiokф puuaд. Aдlaдmakф!! Waя boф uiф khunф. Waя boф uiф tuaф. Cinф khфlienж.
Waя kiiaжlaiж kiiaжkhiф siangж kakя siauяlangж cinфciiaд kekяsimд. Waя siioфtangд siioфsaiд, anдcuaя kaiяkuatф waя eд bunфteж. Amяmeж liauя. Cinфciiaд amф liauя. Tiiд amяbohngфbohngд, ohфsoфsoж. Hohяkaфcaiф boф lokфhohф. Waя cinф huanфloя tanфsiф leя, maфsiф hoяchioф.
Siiohфtiokд cфtiauф kuaд, tф chiiohяkuaд. Stephanie Sun eд kuaд: "Thiiд ohфohд, bueя lohkфhohд".
Waя kekяsimд, aдnaeд khangфkhohя, maфsiф eф chiiohяkuaд. Cдleд siф hoяsuф.
Langж kohngя, soiд eд siж, tiokф cinфciiaж soiд, iяsuф siф kohngя: soiф eд siж, tiokф taфtakфtauя soiд. Heдleд soiд tioфsiф siangж kakя duфlienж phakяkaфlauж boфthengж-boфthengж. Kauяgiakф soiд!!
Waя kiiaж tiя kaeфlohф, mфcaiд aiд khiя tohдlohkд. Boф ceфaeф nyaф, waя eд luiфpauд hohф langж phakдchiiohя!
Heдleд chatд chiiohя waя eд luiфpauд. Heдleд chatд maфsiф kauяgiakф soiд.
Waя eд luiфpauд laiфbinф, boф cфluiд punя. Soiд boф soiд, waя eд tengфkiф tiя laiфbinф.
Waя tuiд heдleд chatд. Iд cauя, waя tuiд.
Aдlaдmakф!! Heдleд chatд, boф hoяunф. Cфtengя chiaд, kiiaж cinф khuaiф, siangж kakя hohф kuiя tuiд. Cяtengя chiaд lohngф siя heдleд chatд!
Miaяcaiф eд siж, waя eд "hoя pengфiuя" pangя hohngфsiiaд kohngя waя hohф chiaд lohngф siя liauя! Heдleд sinфbunж chuanж kauя cфeфsiяkeф, siangж kakя BBC eд sinфbunж poяkoф: taфtakф langж kohngя waя siя liauя!
Cekяakф loф! Nohфchengд gohфpakд langж siaя tiя Facebook, kohngя iдlangж batф waя, kohngя kakф waя cinфciiaж hoя. Waя thiiaдkohngя waя eд "cinфcinд" eд hoя pengфiuя, kaдliauя langж hapфcokф anфpaiж cфleж uiяuanфhoiф. Iдlangж kienд capфpekяchengф khohд. Heдleд luiд siф hohф chaeфmaeж eд langфkhaekф ciakд. Chamфchamд cuanфpohф eд bikфkiiaф, siangж kakя tokдtengя, kauфiiя kakф khiфkhiдkhohkяkhohkф eд bikфkiiaф.
Iдlangж sangф waя cфleф kuaфchaж tatд cфchengд gohфpakя khohд. Heдleд siф cunдcunя waя aiф eд luiд hengф chuяsoiф! Kaдliauя chinфciiaж maфsiф laiж waя eд ceфmaeж. Iдlangж giaф cдleд kiфhoiф laiф kiiяbinф. Paekфkimд nyaф, iдlangж siuд saaфchengф khohд.
Thiia tiokд sinфbunж waя siя liauя, taфtakф langж tanфtanд cauя laiж cфmaeж inфuiф aiя pangдbangж waя eд paekфsuф. Iдlangж inя saaд.
Waдlauфeд!! Iдlangж inф waя eд binф tuaф tiя T-shirt eд binфcengж. Iдlangж beф cфtiauф saaд jiфcapфgohф khohд. Ciiaяciiaф siuд tiokд saaд eд luiд, uф jiфcapф gohфchengф khohд!
Tuaф tiя chuяsuuaд eд jitд, taфtakф langж maжsiф aiя giaф kiфhoiф kohngяuaф.
Siangж kakя TVB eд tienдtaiж. Uф langж kohngя, waя cinфciiaд gauж. Uф langж kohngя, waя cinфciiaд hoя. Ciiaяciiaф kohngя, waя mфbatф heдleд langж kaдliauя. Ciiaяciiaф bat waя eд pengфiuя, boф kiфhoiф kohngяuaф. Iдlangж siф cinфcinд caiд waя eд bunфteж.
Waя beф lunя kakф heдleд mфsaaдmфsiф langж. Waя kiiaж chutяlaiж. Kaдliauя langж tiokфchaaeфkiiaд. Iдlangж siiohф iдlangж khuuaф tiokд kuiя.
Kauяlatд!! Ciakфlatд!!
Ciiaяciiaф langж khangфkhohя eд tiamяsiiaд, heдleд pengфiuя tuaф langя eд singфkuфpiiд siф langя eд ciiaяciiaф eд pengфiuя. Uakд eд langж, tioф boф langж kuanя. Siя eд langж cinфciiaд yauдkinя.
Cдleд siф ciiaяciiaф seяkaiф kiфnaяjitд.
Cдleд tioфsiф seяkaiф eд mauжtunя!
Chamфkhoя https://www.penang-traveltips.com/hokkien/2021-1st-prize.htm
Comments
Post a Comment