Waя cuяyauф torngфkiд okд ceдlayд 46 bunж siф haдmikд?

Cinф cayф langж muiф waя ayфhiauя kuiяhangф bunж. Ceдlayд tuiф waя siф khangфkhorя inф ayд bunфtayж naфsiф emфcaiд haдmikд siф ayфhiauя ceфhangф bunж ayд iяsuф. Takфlangж uф boфsiangж ayд piauфcunя ayфhiauя ceфhangф bunж. Naфsiф waя ayфhiauя thakд hayдlayд bunж nyaф, iяsuф siф waя ayфhiauя hayдlayд bunж boж?

Waя punфkhuiд okд cinф cayфhangф bunж kakф bunфjiф. Bayфkuaiф uф ayд bunж waя ayфhiauя korngя kakф bunфjiф waя ayфhiauя thakд. Lauфkhaд ayд pioя takфkaiж iorngф ceфkuф horф luя khuuaф waя okд bunж ayд torngфkiд. Waя takфtakфjitд iorngф thauж 18 hangф bunж, boфchapф cuфtorngф aфsiф piфtorngф. Sorдiя waя ciauф liaynяtengя khipф paiж, pakфkaiж ayд waя kaeфkiamя iorngф cuфtorngф okфbunж ayд siфkanд paiж.

1. Maeфdanд Horkяkiaynф uaф: Waя cuяhoя korngя ayд buяgiя.
2. Inяniжbunж: Iд siф waя ayд korkяkayд ayд kuanфhorngд bunж.
3. Ingфbunж: Waя ceфporфhunф thakд Ingфbunж kauяyokд uanд koфtiorngд kakф uanфcuanж Ingфbunж kauяyokд uanд tuaфokд. 
4. Tiorngфbunж: Iд siф cuanф sayяkaiф tengфlangж ayд kiorngфtorngж bunж.
5. Saeдpanдgaжbunж: Waя ayд panд payngфiuя kakф kuфcaя ayд caфborя payngфiuя lorngя siф Laфtingд Biяciuд langж.
6. Sayяkaiфbunж: Ceдlayд siф waя okд koiф tayж ayngж ayд bunж.
7. Phuдtoдgaeжbunж: Kakф Saeфpanдgaжbunж cinф siangж.
8. Huatяbunж: Waя batф uanд Taiфwanд korngя Huatяbunж ayд Huiфciuд hakфsayngд.
9. Torkд Piдsinд bunж: Ceдlayд siф siangж kakф Ingфbunж ayд Kayдliфoд bunж kakф waя batф iд ayд suяiorngфciaя kakф sioфsiangж ayд bunж (Sorдlorдmornя Toяsuф Piдsinд bunж) ayд suяiorngфciaя uanд Taiфwanд.
10. Toдpunяbunж: Iд siф sayяkaiф tayж kiaynяtanд ayд bunж kakф waя iorngф laiж coя piяbitя bunж.
11. Haiфtiя Kayдliфoд bunж: Ceдlayд siф siangж kakф Huatяbunж ayд Kayдliфoд bunж kakф waя batф cinф cayф Haiфtiя hakфsayngд uanд Taiфwanд.
12. Chaдvaдkaдnoяbunж: Iд siф Saeдpanдgaж Kayдliфoдbunж kakф waя siiorф iд kakф Saeдpanдgaжbunж ayд sioфsiangж siф chauдkoiф 90%.
13. Kayдliфseдtanдbunж: Ceдlayд siф Phuдtoдgaeж Kayдliфoдbunж thiiaдkhiяlaiж siangжkakя Maфlaiжbunж chamд kakф Phuдtoдgaeжbunж.
14. Jaяwaф uaф: Ceдlayд Inяniж tayж siorngж iorngф ayд tayфhorngд bunж maфsiф uф Inяniж kangфlangж uanд Taiфwanд iorngф.
15. Korngдhuя uaф: Waя ayд guaфmaя korngя ayд buяgiя kakф waя uф chinфciiaж uanд Hiangфkangя.
16. Horфlanдbunж: Iд kakф Inяniж uф laykфsuя kuanфhaeф kakф cinф cayф Inяniж laykфsuя ayд cuдsimф iorngф Horфlanд bunж.
17. Lamфhuiф Horфlanд bunж: Iд tuiф waя siangжkakя bunфhuatф kiaynяtanд ayд Horфlanдbunж.
18. Iяtaiфliфbunж: Cinф ayngж bayngфpaykд uiфliauя waя okд koiф pakфkaiж kakф Iяtaiфliф bunж siangж giяkunж ayд bunж.
19. Hanфkorkфbunж: Waя uф cinф cayф Hanфkorkф siangжpanд payngфiuя kakф iдlangж simфciя siiorфpiя waя siф Hanфkorkф langж.
20. Latдviдaяbunж: Ceфkaiж Latдviдaя siangжpanд payngфiuя kaiяsiauф horф waя ceдlayд hoяthiiaд ayд bunж kakф waя uф chiiorф Latдviдaяbunж kuaд ayд iiaяphiiф uanд Latдviдaя chutяmiaж.
21. Gorфlorфsuдbunж: Waя batф cinф cayф Oфciuд kakф Tiorngфaд korngя Gorфlorфsuдbunж ayд hakфsayngд uanд Taiфwanд.
22. Bulдgaдriдaяbunж: Waя chayngяsimд okд Gorфlorфsuдbunж kakф waя huatяhiaynф Bulдgaдriдaяbunж siф tayж kiaynяtanд ayд Seдlaдvikяbunж.
23. Maяkiфtunфniжaяbunж: Waя okд Bulдgaдriяaяbunж ayд payngфiuя siф ceдpuuaф Maяkiфtunфniжaя langж.
24. Sinдthorngдiorngфbunж: Waя uanд Facebook batф iд ayд huatяbayngжciaя kakф ceяhangф bunж cinфciiaд siangжkakя waя ayфhiauя ayд bunж.
25. Turдkiяbunж: Kaдliauя waя batф ayд Tiorngфaд hakфsayngд uanд Taiфwanд khuuaфkhiяlaiж ayфhiauя aфsiф okд koiф Turдkiяbunж.
26. Kaдsatяbunж: Cinф chuяbiф batд khuuaфkhiяlaiж siangжkakя waя ayд langж tanфsiф ayфhiauя korngя Turдkiяkфbunж maфsiф ayфhiauя Gorфlorфsuдbunж.
27. Kiфrфkiфseдbunж: Waя huatяhiaynф Kiфrфkiфseдbunж kakф Kaдsatяbunж cinф siangж kakф iд ayд langж maфsiф siangжkakя waя.
28. Uдceдbaykяbunж: Uдceдbaykяlangж khuuaфkhiяlaiж boф siangжkakя waя tanфsiф Uдceдbaykяbunж siф Turдkiяkфbunж tayж kiaynяtanд ayд bunж.
29. Khaekяuaф: Ceдlayд siф guaфkorkф tengфlangж ayд tuaфhangф tengфlangж bunж kakф Khaekя langж maфsiф uф uanд Inяniж kakф Taiфwanд.
30. Tuдvaдluяbunж: Waя batф cinф cayф Tuдvaдluя hakфsayngд uanд Taiфwanд kakф waя aiя thamяsorф iдlangж ayд siaфhoiф.
31. Saдmoдaяbunж: Waя huatяhiaynф iд siangжkakя Tuдvaдluяbunж kakф iд ayд okфbunж kauяcaiж khakя cayф koiф Tuдvaдluяbunж.
32. Mauдriяbunж: Iд ayд okфbunж kauяcaiж khakя ayngж choiф koiф pakфkaiж Poдliдnayдsiдaяbunж.
33. Guaдraдniжbunж: Waя tiфtiф aiя caiд Aдmayдlinжtiдanяbunж, hoяmiaф ayд waя uф Paдlaдguiя payngфiuя uanд Taiфwanд kaф waя.
34. Laфtingдbunж: Waя kakф Judith Meyer (ceфkaiж chutяmiaж ayд ayфhiauя cayфhangф bunж ayд langж) okд Laфtingдbunж kakф ayфhiauя ceфhangф kuфcaя ayд bunж siф ceфkaiж tфpiaytф ayд kayngфgiamф.
35. Huanфbunж: Waя tiфtiф giaynя caiд Hutфkauф kayngд ayд iяsuф.
36. Yaytяnanжbunж: Yaytяnanж langж cinф cayф uanд waя tuaф ayд sorяcaiф.
37. Taдgaдlorkяbunж: Waя chuaф ceфkaiж Piдliяpinд langж kakф Piдliяpinд langж cinф cayф uanд waя tuaф ayд sorяcaiф.
38. Thaiяkorkфbunж: Waя okд kiiaфkiiaж iorngф ayд Thaiяkorkфbunж nyaф uiфliauя Thaiяkorkф siф waя korяhiorngд ayд langж kaяiф khiф ayд sorяcaiф.
39. Payдruя Chiuяgiя: Waя huatяhiaynф waя ayд bangфlorф lauф payngфiuя siф chauяhiiфlangж kakф iд maфsiф ayфhiauя Payдruя Chiuяgiя.
40. Biяkorkф Chiuяgiя: Waя huatяhiaynф Biяkorkф Chiuяgiя piя pakфkaiж chiuяgiя uф khakя cayф ayд cuдkuanж.
41. Inяniж Chiuяgiя: Waя aiя caiд nyaф iд kakф waя okд koiф ayд chiuяgiя uф haдmikд boфsiangж.
42. Aдlaяpayфbunж: Ceдlayд cuanф sayяkaiф uф ciiaж tuaф ayngдhiorngя ayд bunж maфsiф Liaynфhapфkorkф ayд bunж.
43. Taдmilяbunж: Waя ayд korяhiorngд Medan, Maфlaiжsiдyaд, Singфgaфpoд maфsiф uф Taдmilя langж, kakф waя maфsiф batф uanд Taiфwanд ayд Taдmilя hakфsayngд.
44. Baдtakяbunж: Ceдlayд siф waя ayд korяhiorngд Pakф Suдmenжtaфraя ayд bunж.
45. Jitфpunяbunж: Waя takфpaiя toiф ayд kauдliuж uф Jitфpunяbunж.
46. Nuoфuiдbunж: Waя huatяhiaynф Nuoфuiдbunж siф tayж kiaynяtanд ayд Seдkanдdeдnaдviдaяbunж, waя ayд Nuoфuiд hakфsayngд maфsiф kakф waя korngя Nuoфuiдbunж ayд kiaytдkorф siangжkakя Ingфbunж ayд kiaytдkorф.

我主要動機學這個 46 文是啥物?

真濟人問我會曉幾項文。這個對我是艱苦應的問題若是毋知啥物是會曉一項文的意思。逐人有無像的標準會曉一項文。若是我會曉讀彼個文呢啞，意思是我會曉彼個文無?

我分開學真濟項文佮文字。未怪有的文我會曉講佮文字我會曉讀。樓跤的表逐個用一句予你看我學文的動機。我逐逐日用頭18項文，無插主動也是被動。所以我照輾轉級排，別個的我加減用主動學文的時間排。

1. 棉蘭福建話：我自豪講的母語。
2. 印尼文：伊是我的國家的官方文。
3. 英文：我一部分讀英文教育彎高中佮完全英文教育彎大學。
4. 中文：伊是全世界唐人的共同文。
5. 西班牙文：我的班朋友佮古早的查某朋友攏是拉丁美洲人。
6. 世界文：這個是我學過最容的文。
7. 葡萄牙文：佮西班牙文真像。
8. 法文：我捌彎台灣講法文的非洲學生。
9. 托克皮辛文：這個是像佮英文的克里奧文佮我捌伊的使用者佮相像的文(所羅門島嶼皮辛文)的使用者彎台灣。
10. 道本語：伊是世界最簡單的文佮我用來做秘密文。
11. 海地克里奧文：這個是像佮法文的克里奧文佮我捌真濟海地學生彎台灣。
12. 查瓦卡諾文：伊是西班牙克里奧文佮我想伊佮西班牙文的相像超過90%
13. 克里斯坦文：這個是葡萄牙克里奧文聽起來像佮馬來文摻佮葡萄牙文。
14. 爪哇話：這個印尼最常用的地方文嘛是有印尼工人彎台灣用。
15. 廣府話：我的外媽講的母語佮我有親戚彎香港。
16. 荷蘭文：伊佮印尼有歷史關西佮真濟印尼歷史資訊用荷蘭文。
17. 南非荷蘭文：伊對我像佮文法簡單的荷蘭文。
18. 義大利文：真容明白為了我學過別個佮義大利文像語群的文。
19. 韓國文：我有真濟韓國像班朋友佮伊人甚至想必我是韓國人。
20. 拉維亞文：一個拉維亞像班朋友介紹予我這個好聽的文佮我有唱拉維亞文歌影片彎拉維亞出名。
21. 俄羅斯文：我捌真濟歐洲佮中亞講俄羅斯文的學生彎台灣。
22. 保加利亞文：我凊心學俄羅斯文佮我發現保加利亞文是最簡單的斯拉夫文。
23. 馬其頓尼亞文：我學保加利亞文的朋友是一半馬其頓尼亞人。
24. 新通用文：我彎 Facebook 捌伊的發明者佮這項文真正像佮我會曉的文。
25. 土其文：合了我捌的中亞學生彎台灣看起來會曉也是學過土耳其文。
26. 哈薩文：真趣味捌看起來像佮我的人但是會曉講土其克文嘛是會曉俄羅斯文。
27. 吉爾吉斯文：我發現吉爾吉斯文佮哈薩文真像佮伊的人嘛是像佮我。
28. 烏茲別文：烏茲別人看起來無像佮我但是烏茲別文是土其克文最簡單的文。
29. 客話：這個是外國唐人的大項唐人文佮客人嘛是有彎印尼佮台灣。
30. 吐瓦魯文：我捌真濟吐瓦魯學生彎台灣佮我愛探索伊人的社會。
31. 薩摩亞文：我發現伊像佮吐瓦魯文佮伊的教材較濟過吐瓦魯文。
32. 毛利文：伊的學文教材較容揣過別個玻里尼西亞文。
33. 瓜拉尼文：我直直愛知阿美林地安文，好命的我有巴拉圭朋友彎台灣教我。
34. 拉丁文：我佮 Judith Meyer (一個出名的會曉濟項文的人)學拉丁文佮會曉一項古早的文是一個特別的經驗。
35. 梵文：我直直癮知佛教經的意思。
36. 越南文：越南人真濟彎我蹛的所在。
37. 他加祿文：我𤆬一個菲律賓人佮菲律賓人真濟彎我蹛的所在。
38. 泰國文：我學行行用的泰國文呢啞為了泰國是我故鄉的人合意去的所在。
39. 祕魯手語：我發現我的網路老朋友是臭耳聾佮伊嘛是會曉祕魯手語。
40. 美國手語：我發現美國手語比別個手語有較濟的資源。
41. 印尼手語：我愛知呢啞伊佮我學過的手語有啥物無像。
42. 阿拉伯文：這個全世界有正大影響的文嘛是聯合國的文。
43. 泰米文：我的故鄉棉蘭，馬來西亞，新加坡嘛是有泰米人，佮我嘛是捌彎台灣的泰米學生。
44. 巴塔文：這個是我的故鄉北蘇門答臘省的文。
45. 日本文：我逐擺綴的交流有日本文。
46. 挪威文：我發現挪威文是最簡單的斯堪的納維亞文，我的挪威學生嘛是佮我講挪威文的結構像佮英文的結構。

方法,原因,故事,國際,社會