Khuaiф okд Taдmilя jiфbuя

Waя aiя okд Taдmilя cinф kuя liauя, tanфsiф kiamя torngфkiд coф waя bayф cimяporф. Waя cinф khangфkhorя kuakяtiiaф sayngф okд jiфbuя aфsiф titфciapф okд huiфuaф iorngф loжmaяjiф. Waя boфsimд khuuaфtiokд jiфbuя pioя. Taдmilя jiфbuя uф 13 kaiж guanжimд kakф 18 kaiж cuяimд, kakф ciiaж cayф ceдlayд ayд coфhapя. Waя muiф kaфkiф anфcuuaя ayф kiф hiorkя cayф?

Waя teф thiauф koiф jiфbuя pioя, titфciapф okф huiфuaф iorngф loжmaяjiф. Thauжthauж boф bunфtayж kauя uф ceфjitд waя kamдkakф kiamя bikфkiiaф. Waя boф langж kakф waя liaynфsipд. Waя khakя cayф okд iorngф thakд huiфuaф kuф iorngф loжmaяjiф. Waя bayф liaynфsipд thakд Taдmilя jiф uiфliauя waя bayфhiauя thakд jiфbuя!

Chuяbiф ayд huatяhiaynф

Uф ceфjitд waя khuuaфtiokд ciongж Poдloжmiя jiф, chamдkakф Taдmilя, ayд teфpiaytф ayд boфsikф. Uaя kaдliauя uф siangж ayд guanжimд uiфtiя. Lauфkhaд uф kuiяnaфkaiж laiфcuд Poдloжmiя ayд bunфjiф. Iдlangж siф Baфliж, Biaynдtiaynф, Jaяwaф, Kanдporфcayф, Sunдdaя, Taдmilя, Thaiяkorkф, Sayдcorngд kakф Huanфbunж. Cuяimд iorngф angжsaykф uakф hunж, kakф guanжimд chatф uuiжsaykф. Waяlangж ayф khuuaфtiokд guanжimд E siaя uanд cuяimд ayд toяchiuя payngж, guanжimд I uanд lauфtayngя, guanжimд O uanд ciiaяchiuя payngж, kakф guanжimд U uanд lauфkhaд.

Ceдlayд huatяhiaynф boф coя hakфsipд ayngж tanфsiф tayжcioя, iд uanд Taдmilя jiфbuя ayд boфsikф horф ceфtiamя kengд. Waя teф kokя ceфpaiя choiф Taдmilя jiфbuя pioя uiфliauя aiя choiф pakфkaiж boфsikф. Ceдlayд huathiaynф piaynя cinф sorngя! Lauфkhaд ayд pioя hiaynяsiф Taдmilя guanжimд nyaф. Waя ayд hakфsipд horngфhuatф siф: 

1. Takфkaiж guanжimд uф tayя kakф tngж ayд khuanя. Waя punфcoя laiж okд, siangжkakя tayя kakф tngж A coя ceфcoя, tayя kakф tngж I coя ceфcoя, tingяtingя.
2. Waя tuiф AEIOU paiжhuatф khakя siiorфsaykд, sorдiя waя liaynф waя ayд nauя iorngя hayдlayд paiжhuatф laiж okд, piaynяcoя AIU siф uanд kiaфsorф ayд uiфtiя, kakф EO uanд ngorяsorф ayд uiфtiя. Angдkhuanя waя khakя ayngж kiф E guanжimд kakф tngж ayд A guanжimд chamдkhiяlaiж piaynя O guanжimд.
3. AM guanжimд cinф ayngж. Iд siф cuяimд lauфtayngя ayд sayяliapф iiж.
4. AI kakф AU guanжimд siф norфkaiж layngфguaф ayд guanжimд, cinф ayngж ayфkiф.
5. Okф guanжimд cinф congяyauф uiфliauя iд boфsiangж cuяimд anдnaeд cayф, sorдiя iд uanд bunфpunя tiorngдhorkя iorngф ayд kiфhoiф khakя tuaф. Okф guanжimд koiяauф teфsiф okф cuяimд. Ceдlayд thakд Taдmilя bunфpunя teф ayфsaiя liauя. Waя takфpaiя sayngф choiф guanжimд ciaя thakф iд ayд cuяimд. Waя tiorngдhorkя angдkhuanя kauя waя ayфkiф kaдliauя cuяimд.

Aфboiя korяsuф

Waя uanд lunфtuuaж kakф giяgiaynф thuanфthayя muiф koiф okф Taдmilя bunфjiф ayд kiaynяgiф, kaдliauя langж horф waя boф muaяiф ayд tapяanф. Iдlangж kiaynяgiф waя siorngфsiorngж liaynфsipд, tiorngдhorkя siaя aфsiф iorngф thakд laiф okд. Ceдlayд kaдliauя siф phorяthorngд ayд iяkiaynф, uanфcuanж bayф iorngф ayд! Iдlangж emфcaiд anфcuuaя horф hoяiorngф ayд okфchaekф iяkiaynф, waя piaynяcoя giaж ciiaж cayф siфkanд laiж choiфchutф iд ayд boфsikф. Ceяpayngж waя kaф luяlangж iяpiaynф luяlangж miaynя kayngф waя kayngф koiф ayд.

Taдmilя langж ciiaж kuя ayд siж ciongж Lamж Inяtorф puuaд kauя Maфlaфyaф Puuaдtorя, pauдhamж waя ayд korяhiorngд Maeфdanд uanд Inяniж, Maфlaiжsiдyaд, kakф Singфgaфpoд, maфsiф kakф kayяpiakф ayд Biaynдtiaynф. Iдlangж ayд auфtaiф uakд kauя kinфjitд uф Taдmilя bunфhuaф kakф korngя Taдmilя uaф. Ayфhiauя Taдmilя uaф tuiф waя cinф hoяiorngф. Waя ayф hiangдsiuф emфsiф Inяtorя ayд bikфkiiaф nyaф, maфsiф Tangфlamфaд ayд.

快學泰米爾字母

我愛學泰米爾真久了，但是減動機做我未進步。我真艱苦決定先學字母也是直接學會話用羅馬字。我無心看著字母表。泰米爾字母有13個元音佮18個子音，佮誠濟這個的組合。我問家己按怎會記遮濟？

我就跳過字母表，直接學會話用羅馬字。頭頭無問題到有一天我感覺減物件。我無人佮我練習。我較濟學用讀會話句用羅馬字。我未練習讀泰米爾字為了我未曉讀子母!

趣味的發現

有一天我看著從婆羅米字，摻佮泰米爾，的特別的模式。倚合了有像的元音位置。樓跤有幾那個來自婆羅米的文字。伊人是峇裡，緬甸，爪哇，柬埔寨，巽他，泰米爾，泰國，西藏佮梵語。字音用紅色畫巡，佮元音拭黃色。我人會看著元因E寫彎子音的倒手旁，元音I彎樓頂，元音O彎正手旁，佮元音U彎樓跤。

這個發現無做學習容但是至少，伊彎泰米爾字母的模式予一點光。我就閣一擺揣泰米爾字母表為了愛揣別個模式。這個發現變真爽!樓跤的表顯示泰米爾元音呢啞。我的學習方法是：

1. 逐擺元音有短佮長的款。我分組來學，像佮短佮長A做一組，短佮長I做一組，等等。
2. 我對AEIOU排法較傷熟，所以我練我的腦用彼個排法來學，變做AIU是彎奇數的位置，佮EO彎偶數的位置。按款我較容記E元音佮長的A元音摻起來變O元音。
3. AM元音真容。伊是子音樓頂的小粒圓。
4. AI佮AU元音是兩個另外的元音，真容會記。
5. 學元音真重要為了伊無像子音按呢濟，所以伊彎文本重複用的機會較大。學元音過後就是學子音。這個讀泰米爾文本就會使了。我逐擺先揣元音才讀伊的子音。我重複按款到我會記合了子音。

後尾故事

我彎論壇佮語言團體問過學泰米爾文字的建議，合了人予我無滿意的答案。伊人建議我常常練習，重複寫也是用讀來學。這個合了是普通的意見，完全未用的!伊人毋知按怎予好用的學冊意見，我變做揭誠濟時間來揣出伊的模式。這旁我教你人以便你人免經我經過的。

泰米爾人誠久的時從南印度搬到馬來亞半島，包含我的故鄉棉蘭彎印尼，馬來西亞，佮新加坡，嘛是佮隔壁的緬甸。伊人的後代活到今日有泰米爾文化佮講泰米爾話。會曉泰米爾話對我真好用。我的享受毋是印度的物件呢啞，嘛是東南亞的。

泰米爾,印度,寫字,讀,方法,古早,婆羅米